सुर्खेत /महिनावारीसम्बन्धी गलत धारणा र भ्रमको अन्त्य गर्दै छाउपडी प्रथा उन्मूलन गर्ने उद्देश्यले कर्णाली प्रदेशस्तरीय महिनावारी स्वास्थ्य तथा स्वच्छता सिकाइ सम्मेलन आयोजना हुने भएको छ।

प्लान इन्टरनेशनल नेपालको आर्थिक सहयोग, रास्कोट नगरपालिकाको समन्वय तथा मानव अधिकार तथा वातावरण विकास केन्द्र (हुरेन्डेक) नेपाल, कालीकोटको आयोजनामा रास्कोट नगरपालिकामा सञ्चालित रास्कोट सुधार परियोजना अन्तर्गत सम्मेलन आयोजना गर्न लागिएको हो।

कर्णाली प्रदेशका १० वटै जिल्लाका किशोरीहरूको सहभागिता रहने सम्मेलन यही २०८३ साल असोज २३ गते शुक्रबार सुर्खेतको वीरेन्द्रनगरस्थित होटल शुभमा आयोजना हुने आयोजकले जनाएको छ। सम्मेलन बिहान ८ बजेदेखि सुरु हुनेछ।

हुरेन्डेक नेपालकी अध्यक्ष गौरीकुमारी शाहीले महिनावारीसम्बन्धी गलत भ्रम र अन्धविश्वासको अन्त्य गर्दै छाउपडी प्रथा उन्मूलनका लागि सम्मेलन आयोजना गर्न लागिएको बताइन्।

उनका अनुसार सम्मेलनमा महिनावारी स्वास्थ्य तथा स्वच्छता, छाउपडी प्रथा र यससँग जोडिएका सामाजिक समस्याका विषयमा छलफल तथा अनुभव आदानप्रदान गरिनेछ।

बिहिवार सुर्खेतमा पत्रकारहरूसंग कुरा गर्दै आयोजक संस्था हुरेन्डेक नेपालका दिलीप शाहीका अनुसार सम्मेलनमा छाउपडी प्रथाबारे निति निर्माण तहमा बसेका प्रदेश सरकारका मन्त्री , बिरेन्द्र नगर नगर पालिकाका प्रमुख मोहनमाया ढकाल र रास्कोट नगरपालिकाका प्रमुख धर्मराज शाहि र  सहभागि किसोरिहरू बिच प्यानल डिस्कसन समेत सञ्चालन गरिनेछ। प्यानल छलफलमार्फत छाउपडी प्रथाका समस्या पहिचान गर्दै यसको अन्त्यका लागि सकारात्मक सन्देश प्रवाह गर्ने उद्देश्य रहेको उनले बताए।

सम्मेलनको उद्घाटन कर्णाली प्रदेशका आर्थिक मामिला तथा योजना मन्त्री टेकराज पछाईले गर्ने आयोजकले जनाएको छ।

शंकर मावि सेरिज्युलाले गर्‍यो वार्षिक सार्वजनिक सुनुवाइ, विज्ञान प्रयोगशाला र पुस्तकालय उद्घाटन

कालीकोट — सान्नीत्रिवेणी गाउँपालिका–१ रकु सेरिज्युलास्थित शंकर माध्यमिक विद्यालयले आर्थिक वर्ष २०८२/०८३ को वार्षिक सार्वजनिक सुनुवाइ तथा

रास्कोटमै एक साताभित्र मालपोत तथा नापी सेवा सञ्चालन हुने

कालीकोटको रास्कोट नगरपालिकामा भूमि प्रशासनअन्तर्गत मालपोत तथा नापी सेवा सञ्चालनका लागि स्थलगत अनुगमन सम्पन्न भएको छ। अनुगमनका क्रममा अबको एक

वर्षाको सम्भावना भन्दै शुक्रवार विद्यालय र सार्वजनिक कार्यक्रम बन्द गर्न कालिकोट प्रशासनको आग्रह

कालीकोट । मौसम पूर्वानुमान महाशाखाले २०८३ असोज ९ गते शुक्रबारदेखि असोज ११ गते आइतबारसम्म देशका विभिन्न स्थानमा मेघगर्जन, चट्याङ, हावाहुरीसहित भारी