• शनिबार ८-२९-२०७५/Saturday 12-15-2018

कर्णालीको विकासका लागि आफुले आर्थिक श्रोतको अभाव हुन नदिने मुख्यमन्त्री शाही भनाई ।

कर्ण कुमाल 

       जिल्ला समन्वय समिति कालीकोटद्धारा आयोजित दोश्रो जिल्ला सभाको उद्घाटन गर्दै मुख्यमन्त्री शाहीले विकास र समृद्धिको अभियानमा जनतालाई गोलवन्द गर्नुपर्ने वताउनुभयो ।स्थानीय तहका जनप्रतिनिधिहरुलाई सम्वोधन गर्दै मुख्यमन्त्री शाहीले भन्नुभयो– ‘तपाई हामीलाई जनताले सरकारमा पठाएका हुन, हामी जनतातिरै फर्कनुपर्छ ।’ विकास अभियानमा दातृनिकायको सहयोगी भुमिका मात्र हुने वताउदै जनतालाई साथमा नलिई विकास र समृद्धिको अभियान पुरा नहुने उहाँको भनाई छ ।

       मुख्यमन्त्री शाहीले नकारात्मक सोच र राजारजौटाको शैलीले जनताको विश्वास आर्जन गर्न नसकिने वताउदै जनप्रतिनिधिहरु जनताको सेवकका रुपमा रहनुपर्ने धारणा राख्नुभयो ।कालीकोटको मात्र नभई सिंगो कर्णालीको विकासका लागि आफुले आर्थिक श्रोतको अभाव हुन नदिने वताउदै मुख्यमन्त्री शाहीले श्रोतको सदुपयोग र दिगो विकासमा ध्यान दिन आग्रह गर्नुभयो । ‘जनतालाई उत्पादनमुलक काममा नजोडी समृद्धि प्राप्त हुदैन ।’ मुख्यमन्त्री शाहीले भन्नुभयो कार्यालय प्रमुखलाई गाडी दिने तर चालक नदिने, भन्दै सबै आफैले गर्नु पर्छ सोचेर मिहिनेत गर्नु पर्ने वताउनुभयो । उहाँले चालक अर्को, कम्प्युटर अप्रेटर अर्को हाकिम आफु हुदा प्रर्गती हुन धेरै वर्ष हुनु पर्ने भन्दै सबैले सबै काम गर्न सक्नु पर्ने र गर्नु पर्ने वताउनुभयो । राष्ट्यि सभा सदस्य जिवन वुढाले कानुनले दिएका अधिकारलाई उठान गर्ने र जिल्लाका सबै समस्याहरुको उठान गरेर समाधानको योजनामा केन्द्रीत हुने वताउनुभयो । ‘कृषि, उद्योग, पर्यटन, जडिवुटी लगायतका क्षेत्रमा उत्पादनमुलक योजना निर्माण गरेर काममा लाग्नुस ।’कर्णालीको योजनावद्ध विकासका लागि प्रदेश सरकारले योजना आयोग गठन गरिसकेको वताउदै मुख्यमन्त्री शाहीले नतिजामुखी र नमुना काम गर्ने अठोट व्यक्त गर्नुभयो । प्रदेश योजना आयोगले प्रदेशको वहुआयामिक विकासको लागि अल्पकालीन र दिर्घकालीन योजना निर्माणको काम थालनी गरिसकेको वताउदै मुख्यमन्त्री शाहीले तिनवटै तहको सहकार्यमा कर्णालीको विकास अभियान अगाडि वढ्ने वताउनुभयो ।विकटता र गरिविले चिनिएको कर्णालीलाई सुन्दरता र सम्भावनाको कर्णालीको रुपमा परिचित गराउन वर्षको आरम्भमै प्रधानमन्त्रीलाई रारामा वोलाएको वताउदै मुख्यमन्त्री शाहीले कर्णालीको विकास केन्द्र सरकारको समेत प्राथमिकतामा रहेको वताउनुभयो ।

    सभामा वोल्दै स्थानीय तहका जनप्रतिनिधिहरुले कर्मचारी अभावको कारण आफुहरुलाई काम गर्न गाह्रो भएको गुनासो गरेका छन । कर्मचारी आपुर्तीमा केन्द्र सरकारले उदासिनता देखाएको भन्दै जनप्रतिनिधिहरुले प्रदेश लोकसेवा आयोग गठन गरेर कर्मचारी भर्ना गर्न प्रदेश सरकारलाई आग्रह गरेका छन ।यसैगरि जिल्ला सभा सफलताको शुभकामना दिदै जिल्ला स्थित राजनैतिक दलका नेता तथा नागरिक अगुवाहरुले कालीकोटको विकास र समृद्धिको लागि सुनथराली विमानस्थलमा हवाई यातायात सुचारु गर्नुपर्ने, कर्णाली लोकमार्गको स्तरोन्नती र सडक पुल निर्माण कार्य तत्काल पुरा हुनुपर्ने, गुणस्तरीय रोजगारमुलक शिक्षाको व्यवस्था गर्नुपर्ने, साना तथा मझौला उद्योगहरुको विकास गर्नुपर्ने, पर्यटन र आधुनिक कृषि प्रणालीको विकास गर्नुपर्नेमा प्रदेश सरकारको ध्यानाकर्षण गराएका छन् ।कार्यक्रममा प्रतिनिधिसभा सदस्य दुर्गबहादुर रावत, राष्ट्रियसभा सदस्य जिवन वुढा, नरपति सुनार, प्रदेशसभा सदस्य कुर्मराज शाही र सोशीला शाही लगायतको उपस्थिति रहेको थियो ।

प्रतिकृया दिनुहोस

नरहरीनाथ गाउँपालीकाकाे बडा न ६ र ७ मा जातीय भेदभाव विरुद्ध सामुदायिकमा संवाद कार्यत्रम सम्पन्न ।

कालीकाेट         नेपाल राष्ट्रिय दलित समाज कल्याण संघ को कार्यान्वयनमा संचालित नेपालमा जातीय भेदभाव विरुद्ध साझा आवाज र कार्यका लागि सहयोग

छोरा माग्ने लाई छोरा र छोरी माग्ने लाई छोरी दिन्छु भन्ने एक जना बैद्य प्रहरीको नियन्त्रणमा । दस हजार प्रहरीद्धारा असुलउपर ।

कालीकाेट        कालीकोट जिल्लामा एक जना जैसी नामका बैद्यलाई प्रहरीले नियन्त्रणमा लिएर १० हजार असुल उपर गरेको छ । झोलामा मह जस्तो देखिने पदार्थ

कालिकोटका स्थानीय तहमा नागरिक समाज गठन ।

कर्ण कुमाल  कालिकोट मंसिर २१ । जिल्ला सदरमुकाम रहेको खाँडाचक्र नगरपालिका स्तरिय नागरिक समाज शुक्रबार मान्ममा गठन भएको छ । नगरपालिका कार्यवाहक